wan pi toki Kolan

toki nanpa 19:
jan Majan

jan toki sewi li kama jo e ni lon ma tomo Maka (Makkah, Mecca).

nimi pi wan sewi pona suwi la mi toki.

1. kama lon pi jan Jaja

1. sitelen Ka A Ja Awin Sa (Kaf Ha’ Ya’ ‘Ayn Sad).
2. ni li awen e sona ni: wan lawa sina li pona tawa jan anpa ona Sakalija (Zakariyah, Zechariah).
3. len la jan ni li toki tawa wan lawa ona e ni:
4. “wan lawa mi o, kiwen mi pi insa sijelo li kama wawa ala. lawa li walo. wan lawa mi o, mi toki tawa sina la, mi pilin pona.
5. “mi pilin monsuta tan ni: mi moli la, jan li kama. meli mi li ken ala kama lon jan sin. o pana tawa mi tan sina e jan sin.
6. “mi moli la, seme li kama jo e ijo mi, li kama jo e ijo pi kulupu Jaku (Ya‘qub, Jacob). wan lawa mi o suwi e ona.”
7. “jan Sakalija o, mi pana e sona sin pi mije sin tawa sina. nimi ona li nimi Jaja (Yahya, John). mi pana ala e nimi tawa ona lon tenpo pini.”
8. ona li toki e ni: “wan lawa mi o, meli mi li ken ala kama lon e jan sin la, mi kama majuna mute la, nasin seme la, mi kama jo e mije sin?”
9. ona li toki e ni: “sama ni la ni li lon. wan lawa sina li toki e ni: ‘ona li wile pali ala tawa mi. sina ijo ala la, mi pali e sina.’”
10. ona li toki e ni: “wan lawa mi o, o pana e sitelen tawa mi.” ona li toki e ni: “sitelen sina li ni: sijelo sina en lawa sina li pona la, sina toki ala tawa jan lon tenpo pimeja tu wan.”
11. ona li tawa kulupu ona, li toki luka tawa ona e ni: “o toki pona tawa wan sewi lon open pi tenpo suno, lon pini.
12. “jan Jaja o, o jo e lipu kepeken wawa.” ona li jan sin la, mi pana e sona tawa ona.
13. mi pana e olin kin, e weka jaki. ona li pilin monsuta tan wan sewi.
14. ona li olin e mama ona, li pilin ala e suli ona, li kute e mama, e wan sewi.
15. pona o tawa ona lon tenpo suno ni: ona li kama lon, li moli, li kama lon sin.

    2. kama lon pi jan Isa

16. ni li awen e sona pi jan Majan (Maryam, Mary) lon tenpo ni: ona li kama weka tan kulupu ona tawa poka pi pilin ala,
17. li len e ona sama tan ona mute. mi pana e kon mi tawa ona. ona li kama sama mije pi selo pona tawa ona meli.
18. ona meli li toki e ni: “sina pilin monsuta tan wan sewi la, mi alasa e awen lon poka pi wan pona tan sina.”
19. ona li toki e ni: “mi jan pana taso pi wan lawa sina tan ni: mi pana e mije sin pi jaki ala tawa sina. ”
20. ona li toki e ni: “jan li luka ala e mi la, mi meli pi unpa ike ala la, nasin seme la mi kama jo e mije sin?”
21. ona li toki e ni: “sama ni la ni li lon. wan lawa sina li toki e ni: ‘ona li wile e pali ala tawa mi. mi pali e ni: ona li sitelen tawa jan, li weka pi pali ike li tan mi. mi toki wawa e ijo ni.’”
22. jan sin li kama lon insa ona. ona li tawa ma weka.
23. pilin sijelo ike pi jan sin li tawa e ona tawa kasi kili. ona li toki e ni: “a ni li kama la, mi o moli! mi o weka tan sona pi jan ale!”
24. kalama uta li toki tan anpa ona, li toki e ni: “o pilin ike ala. wan lawa sina li pana e nasin telo tawa anpa sina.
25. “o tawa e kasi kili tawa sina la kili suwi li kama anpa tan ona.”
26. o moku, o kama pilin pona. sina lukin e jan la, o toki e ni: “mi toki wawa e ni tawa wan sewi: mi toki ala tawa jan.”
27. ona meli li jo e ona mije, li pana e ona mije tawa kulupu ona. ona mute li toki e ni: “jan Majan o, sina pali e ijo pi ike mute.
28. “sina meli pi kulupu sama tawa jan Halun (Harun, Aaron). mama mije sina li mije ike ala. mama meli sina li meli pi unpa ike ala.”
29. ona meli li pana e luka tawa ona mije. ona mute li toki e ni: nasin seme la mi toki tawa jan sin? ona li lon poki pi jan sin.
30. ona mije li toki e ni: “mi jan anpa pi wan sewi. ona li pana e lipu tawa mi, li jan toki e mi.m
31. “mi lon ma la, ona li pona e mi lon ma ni. mi lon la, ona li lawa e mi tawa toki sewi, tawa pana mani.
32. “ona li pona e mi tawa mama mi, li ike ala e mi.
33. “pona o tawa mi lon tenpo ni: mi kama lon. mi moli. mi kama lon sin.”
34. ni li jan Isa (‘Isa, Jesus), li mije sin pi jan Majan, li toki lon. jan mute li toki utala lon ni.
35. wan sewi li jo ala e jan sin. pona sewi tawa ona a! ona li wile e ijo la, ona li toki e ni taso tawa ona: “o lon.” ona kama lon.
36. jan Isa li toki e ni: “wan sewi li wan lawa mi, li wan lawa sina. o anpa tawa ona. ni li nasin pona.”

tenpo lili la ale li kama.