lipu pi ante toki

Prajñā­pāramita­ik­akṣare­sūtra

pona sona sewi en mama pi jan Tatakata (Tathagata) ale li kepeken toki wan taso

pona tawa pona sona sewi a!

 

tenpo la mi kute e ni. jan sewi en jan mute pi nasin sewi en jan Posisata (Bodhisattva) mute li lon ma Lasakija (Rajagrha) lon supa pi kiwen Kitakuta (Grddhakuta). tenpo ni la jan sewi toki e ni tawa jan sewi Ananta (Ananda):

“jan Ananta o, tan pona pi jan ale la, o kama jo e pona sona kepeken toki wan taso: a.”

jan sewi Ananta en kulupu suli pi jan nasin sewi en kulupu pi jan Posisata mute en jan ale en jan sewi ale en jan sewi ike ale en jan sewi pona lili ale li pilin pona tan pana sona pi jan sewi.