pona tawa jan Tala. sina tawa wawa. sina wawa. sina weka e monsuta kepeken toki Tutale. kepeken toki Tule la sina pali e wile pi mi mute. kepeken Sowa la mi mute li pana e pona tawa sina
1. pona tawa jan Tala. sina tawa wawa. sina monsuta ala. lukin sina li sama seli sewi. sina kama tan kasi kule. kasi kule ni li sinpin lawa pi jan sewi. jan ni li jan sewi pi ma tu wan.
2. pona tawa sina. sinpin lawa sina li sama kulupu pi mun ale lon tenpo pi lete lili. ona li suno lon kulupu pi mun lili ale.
3. pona tawa sina. sina meli jelo. kasi laso li lon luka sina. sina jan sewi pana. sina jan sewi pi pali awen. sina jan sewi pi musi ala. sina jan sewi pi utala ala. sina jan sewi awen. sina jan sewi pi lukin lawa.
4. pona tawa sina. sina kama tan nena sewi lawa pi jan Tatakata mute. sina musi e kama sewi pi pini ala lon utala. mije lili mute pi jan lawa sewi mute li kama jo e pona li wile e ni.
5. pona tawa sina. sina pana e toki Tutale e toki Un tawa ma wile ale. sina anpa e ma luka tu kepeken noka sina. sina ken lawa e wawa ale.
6. pona tawa sina. jan sewi Inta en jan sewi Ani en jan sewi Pama en jan sewi Wajutewa en jan sewi Wiwakaman en jan sewi Iwala li olin sewi e sina. kulupu jo e kon e jan moli e jan musi sewi e monsuta la kulupu li toki pona tawa sina.
7. pona tawa sina. sina pakala e ilo pi wawa nasa kepeken kalama Ta kepeken kalama Pa. sina anpa e ma kepeken noka pi poka pilin ala. noka sina pi poka pilin li awen. sina suno lon insa pi seli suli.
8. pona tawa jan Tule. sina meli monsuta suli. sina anpa e jan lawa monsuta mute. lawa sinpin sina li musi ala li moli e jan ike ale.
9. pona tawa sina. sina pali e sitelen pi kiwen tu wan kepeken luka sina lon pilin sina. suno suli sike li lon sina.
10. pona tawa sina. meli o, sina kama e linja suno pona mute tan sewi lawa sina. kepeken mu musi Tutale la sina anpa e ma ale e jan sewi mute pi wile ike.
11. pona tawa sina. sina ken kama e kulupu jan awen mute pi ma ale. kepeken sinpin lawa pi musi ala la kepeken toki Un la sina weka e jan tan mani ala.
12. pona tawa sina. len lawa kiwen sina li mun. kiwen mani lon sina li suno mute. suno li kama tan jan Amitapa lon nena sewi lawa sina.
13. pona tawa sina. sina awen lon insa pi linja suno mute sama seli pini. noka sina pi poka pilin ala li tawa la noka sina pi poka pilin li awen la sina sike musi. ni la sina pakala e jan ike.
14. pona tawa sina. sina utala e ma kepeken luka sina. sina anpa e ma kepeken noka sina. kepeken sinpin lawa pi pilin ike la kepeken toki Un la sina weka e ma anpa ike luka tu.
15. pona tawa sina. sina pilin pona. sina pona. sina jan pi utala ala. sina musi e utala ala pi sona Niwana. kepeken toki Sowa la kepeken toki On la sina pakala e pali ike ale.
16. pona tawa sina. jan pi pilin pona li sike e sina li weka e sijelo pi jan ike mute. kepeken toki luka luka la kepeken toki Un la sina pona kepeken toki sina. sina jo e lawa pona.
17. pona tawa sina. toki mama sina li Un. sina toki e toki Tule. sina anpa e noka sina. ni la sina monsuta e nena Melu e nena Mantala e nena Kalasa e ma tu wan.
18. pona tawa sina. sitelen pi soweli lili li lon mun. sina jo e mun. lukin la sina li telo suli suwi pi jan sewi mute. kepeken toki Tale tu la kepeken toki Pa la sina weka e telo moli ale.
19. pona tawa sina. jan lawa mute en jan sewi mute en jan sewi lili mute en jan musi sewi li wile e sina. len kiwen sina pi pilin pona li weka e utala ale e sitelen lape ike.
20. pona tawa sina. suno en mun li lukin tu sina. ona mute li suno mute. kepeken toki Hala tu la kepeken Tutale la sina weka e jaki sijelo ale.
21. pona tawa sina. sina jo e kon tu wan. sina jo e wawa pi utala ala. sina pakala e monsuta e jan moli. Jan Tule o, sina meli pona.