tan jan George Fyler Townsend
pipi lawa pi kulupu pipi li tan nena Imeto (Hymettus). ona li kama sewi lon nena nena Olinpo (Olympus) tan ni: ona wile pana e telo suwi tawa jan sewi Jupite(Jupiter) . tan ni la jan sewi Jupite li pilin pona. ona li toki e ni: “mi pali e wile sina.” pipi toki e ni: “o pali e ni: jan li lukin jo e telo suwi mi la mi ken moli e jan.” tan ni la jan sewi Jupite li pilin ike. ona li olin e jan ale. taso ona li toki suli e ni: “mi pali e wile sina.” tan ni la ona li toki e ni tawa pipi: “sina ken moli e jan. taso ni li moli e sina. ilo kipisi sina li kipisi suli pi sijelo sina. sina moli e jan kepeken ilo ni la ilo ni li awen lon selo jan li weka tan sina. tan ni la sina moli e jan la sina moli.”